Mga Bagay na Masarap Sabihin Minsan.

***

Ikaw ang nagpapahirap sa sitwasyon mo. Ilang beses ka na ba niyang iniwan? Iiyakan mo ang lahat ng tao sa paligid mo. Mangangako sa sarili na 'di na muling magpapaloko sakanya. Pero isang tawag lang niya, bibigay ka na naman.

Kung ayaw mong mahirapan, simple lang, bitiwan mo ang bagay na nagpapahirap sa 'yo. Iwan mo na siya. Marami pang iba diyan. Pumili ka naman ng taong ka-lebel mo, 'yung taong tutumbasan ang pagmamahal na kaya mong ibigay.

***

Mahal mo siya? Gaano mo siya kamahal? Ganun mo ba siya kamahal kaya't handa mong itapon ang pagmamahal ng isang taong lubos na nagmamahal sa 'yo, para lang isugal ulit ang puso mo sakanya?

Kung ayaw na sa 'yo, 'wag mong pilitin. Kung may iba na siya, hayaan mo na siya sakanya. Wala nang pupuntahan 'yan. Oo, madaling sabihin, mahirap gawin. Pero kung magsisimula ka ng pakonti-konti, makukumpleto din 'yun.

***

Tanga! Kung may salitang makakapaglarawan sa 'yo ngayon, tanga! Alam mong hindi ako nagmumura, pero dahil espesyal ka sa akin, PUTANG-INA! Ang tali-talino mo puro puso ang pinaiiral mo! Hindi kailangang mawala ang ulirat kapag nagmamahal. 'Wag mong ibigay lahat, magtira ka ng para sa ibang tao. Puro nalang siya! Aba, hindi lang siya ang tao sa mundo mo. Hindi lang siya ang nangangailangan sa 'yo!

Sige, ibuhos mo lahat-lahat sakanya. Sige lang, hayaan mong ilayo ka niya sa mundo mo. Pero baka bukas, kapag nawala siya sa buhay mo, mahirapan kang balikan ang mundong iniwan mo dahil sakanya.

***

Hindi lang ikaw ang tao sa mundo namin. Sana minsan isipin mo 'yun. Mahal ka namin, pero hindi lang laging tungkol sa 'yo ang nangyayari sa mundo namin. Lagi kaming nakikinig sa 'yo. Pero ikaw ba pinakinggan mo ba kami?

Paulit-ulit na kuwento. Hindi naman masama. Pero natanong mo na ba sa sarili mo na minsan gusto rin naming magkuwento sa 'yo. Alam na namin lahat tungkol sa 'yo, pero sige nga, anong alam mo tungkol sa mga buhay namin?

Give and take, dude. Minsan iparamdam mo rin sa amin na espesyal kami sa 'yo, na gusto mo ring pakinggan ang mga kuwento namin, na concern ka rin sa amin.

***

Wala ka pa ngang nasisimulan ayaw mo na? Hindi mo pa nga nasusubukan eh, sinusukuan mo na. Anong balak mong gawin? Hayaang ipamukha sa sarili mo na duwag ka na subukan man lang ang mga bagay-bagay? Gusto mo 'to 'di ba? Pero bakit parang hindi ko nakikitang ganoon ka kadeterminado para makuha 'yun? Wala man lang kahit kaunting effort!

Tapatin mo nga ako. Gusto mo ba talaga? O napipilitan lang dahil wala ka nang ibang pagpipilian? Kung 'yung pangawala, tama ngang tumigil ka na. Hindi lang kayo magiging masaya pareho. Ok lang sana kung ikaw lang eh, pero 'wag ka na sanang mandamay ng iba. 'wag ka na sana uling gumawa pa ng mga bagay-bagay na simula pa lang, alam mo nang hindi mo kayang tapusin at panindigan. Na sa simula palang, alam mong may mga taong masasaktan.

***


Kung hahayaan mong lamunin ka ng buo ng iyong mga alaala, sinasabi ko sa 'yo, ikaw ang kawawa. Hindi ko sinasabing kalimutan mo, ang sa akin lang, 'wag mo sanang gawing hadlang ang mga pangyayari sa nakalipas para sa mga mangyayari pa sana sa hinaharap.

Darating ang panahon, baon ka pa rin sa hinagap ng kahapon, habang lahat ng mga tao sa paligid mo, masaya nang hinaharap ang nangyayari sa kasalukuyan. Ikaw ang talunan. Ikaw ang maiiwan. Huli na nga, wala pang balak humabol.

Best! :)

Last night, I was in a conversation (through y!m) with one of my closest friends, si Karen. Si Best! We were in the same section in sixth grade, but it was only in the 'High School Celeb' of LP, way back in 2003 na naging close talaga kami. Uhmm, 'di ko pala sigurado kung dun nga! Haha. I mean, I really don't remember kung paano talaga kami naging close, and I know she doesn't remember too. What is memorable for me is the evolution of our endearment. It was not supposed to be BEST for Best Friend, ironically, it was supposed to be BEST for Best Enemy. Haha! Totoo! But of course, we were not really enemies, lokohan lang talaga.

Hindi naman talaga kami close na close nung hayskul. Hindi kami lagi magkasama. Hindi ako ang best friend niya, at hindi lang siya ang best friend ko. Kung tutuusin, hindi niya alam ang lahat ng sikreto ko, at hindi ko rin alam ang lahat ng kanya. Pero ewan ko ba, si Best 'yan eh, at kung papipiliin ako kung gusto ko pa siyang maging kaibigan sa mga susunod na buhay ko, isang matinding oo ang isasagot ko! ^^,

Before last night, huli ko siyang nakausap (via text) ay noong birthday niya, at huli ko namang nakita ay noon pang October 2007! Wooh, kaya miss na miss na ako niyan eh. Ahahaha. And I really miss her. Kaya nga sobrang nasayahan ako kagabi nung nakita kong online siya! Hahaha. Kahit konti lang naging pag-uusap namin, at kuwentuhan, at balitaan (lalo na ang balita niya about sa lovelife niya, haha), feeling ko, close na close lang ulit kami kagabi. :)

Minsan, kapag matagal nating hindi nakakasama at nakakausap ang isang taong sobrang naging ka-close natin sa isang bahagi ng buhay natin, kapag nakasama na natin sila, parang bumabalik 'yung pakiramdam ng pagiging close niyo dati. Kahit na magkaiba na kayo, kahit na sobrang dami nang nagbago. Siguro nga, dahil minsan masarap balikan ang mga huling masasayang sandali, at minsan, masarap alalahanin na sana, ganoon pa rin. Ah basta, 'di ko maipaliwanag! Basta, masarap at masayang balikan ang nakaraan, katulad ng pagkabubo ng Pepsi sa uniform, ang pa-bingo ng Math, at ang mga sulat.

***

--> Best, wala na kasi sa plano ko ang mag-gm. At oo, guilty ako na wala akong personal message sa 'yo, lahat gm, or forwarded messages. Kaya eto, para sa 'yo ang blog entry na 'to! xoxo. Labyu! Goodluck and God Bless! :)

Hindi ako GC!!

Kasabay ng pag-enlist sa mga subjects na nais kong kunin sa susunod na semestre, nakikita din sa CRS ang mga grades ko sa mga subjects ko nung nakaraang semestre. (Wala nang classcards!) Kaya eto ako, kagaya ng mga nakaraang semestre, nagmumuni-muni sa mga gradong ibinagay sa akin ng aking mga propesor, mga gradong katumbas ng halos apat na buwan kong pag-upo sa klase, pakikinig at 'di pakikinig kina ma'am at sir, pag-aaral night before the exam day, pagsagot at paghula sa mga exams, paggawa ng papers, paggawa ng report, pagrereport, pagbabasa at pagsscan lang ng sangkatutak na readings, pag-attend sa mga forums, at higit sa lahat, pag-iisip at pagnamnam sa mga itinuro ng aking mga propesor.

Ngayong semestre pinakamababa ang GWA ko. Bakit nga kaya? Sino bang mag-aakalang ang isang absent sa isang klase ay katumbas pala ng additional sanang .25 sa grade ko. Sayang? At ang isa pa sanang puntos sa isa pang subject ay katumbas ng pagtaas din ng .25 sa final grade sa subject na 'yun. Iisipin ko, konti nalang, sayang! Pero andun na 'yun eh. Hindi ako GC!! Inuulit ko, hindi ako GC. At kahit ilang ulit pang sabihin ko sa sarili ko na hindi grades ang sukatan ng pagkatao, may isang bahagi ng utak ko na nagsasabing hindi tungkol sa grado ko ang bottomline ng pinagngingitngit ko. For the nth time, bakit ba hindi ko na naman binigay ang best ko? I mean, ang tamad ko this sem. Gusto kong awayin ang sarili ko, at itanong kung ano ba talagang problema ko. Hindi ba talaga ako para sa course ko kaya nahihirapan ako? O isiniksik ko agad na mahirap at hindi ko kakayanin, kaya nawalan ako ng gana?

C'mon Rea. Sayang na naman ang tuition mo. Hahaha. Sabi ko nga dati, kahit 6K-7K lang 'yun per sem, inilalaan ng magulang ko ang perang 'yun para sa pag-aaral ko, at hindi para sa pag-petiks-petiks. Wala naman akong ibang pinagkakaabalahan, para hindi ko maasikaso ang mga lectures. Wala ngang boyfriend eh, walang sinalihang org, walang night-outs, walang gala, in short, wala talagang ibang ginagawa.

Hay ewan. Maniniwala ka ba kung sasabihin kong next sem pag-iigihan ko na talaga? Hahaha. =)
Kung nabasa mo siguro 'yung blog ko sa Friendster dati, sasabihin mong hindi na. Pero friends, help me. Hahaha. Convince me. Kaya ko 'to 'di ba? Kaya ko 'to!

Identity?

Isang eksena sa buhay ni Samantha. Pasok! Haha, corny ko talaga. (Samantha Sweeting, lead characted sa novel ni Sophie Kinsella na Undomesticated Goddess. Iris. Nanay ni Nathaniel na love interest ni Samantha sa novel. Si Iris din ang nagturo sakanya magluto. Bakit? Basahin mo nalang basta ‘yung novel. Maganda.)
 

Samantha: I don’t know who I am. Or what my goal is. Or where I’m headed in life. Or anything.

Iris: It doesn’t matter. Don’t beat yourself up for not knowing all the answers. You don’t always have to know who you are. You don’t have to have the big picture, or where you’re heading. Sometimes it’s enough just to know what you’re going to do next.

Bakit ko nga ba pinorward ang quote na ‘yan via SMS? Hmmm. Bakit nga ba? Siguro nga naka-relate lang ako.

Sa isang lecture namin sa PolSci160, tinanong kami Ma’am Lusterio-Rico, “What’s your identity?” (para sa topic about nation-states and ethnicity) Sabi ko sarili ko, “Ano nga ba?”

Ilang tao ba sa mundong ito ang matapang na nakakapagsabi kung sino ba sila. Kung saang grupo sila kasali. Kung ano ang pinaniniwalaan nila. Kung nasaan na sila sa landas na tinatahak nila. Siguro nga, masuwerte ka kung alam mo. Ako? ‘di ko pa yata siguro.

Kung sa Psych point of view, nasa stage siguro ako ngayon ng “identity searching”. Pero my god dear, parang antagal ko na yata sa stage na ‘to ah! Napag-iiwanan na ba ako? Future searching. Buti sana kung ‘yun lang. Sabi nga ni Iris, hindi kailangan lang na alam mo ‘yung next step mo. Yeah, I agree with her in some cases. Pero paano kapag kahit ‘yung next step mo hindi mo alam?

Tulong! (Anong magandang PE?)

Maglalagi na naman ako sa CRS (Computerized Registration System). Online preenlistment na kasi para sa next sem. At kailangan ko na talaga ng PE. Ang tanda ko na. Hahaha.

Nung 1st year 1st sem, PE1 ang PE ko. Boring. Hahaha. Minsan mas matrabaho pa siya sa ibang subjects. To think na hindi naman kasama sa GWA ang grade sa PE. Pero ok lang, marami akong natutunan. Katulad ng kung ilang minutes ang nababawas sa buhay mo kapag nag-sigarilyo ka. Hahaha.

1st year 2nd sem ng medyo nagkaroon ng buhay ang PE ko. At naramdaman ko ang PE. Ramdam na ramdam! Running for Fitness kasi PE ko nun. Every Tuesday at Friday 8-9. Iniikot namin ang Acad Oval. Mapagod. Sobra. Pero sulit. Mataas grade ko. Kahit hindi ko naramdaman ang "Fitness" part. Hahaha. May camping pa kami sa Batangas! Yihee. :)

Nag-summer ako nung sumnmer '06. Isang subject lang nakuha ko nun (PolSci14) at isang PE. Duckpin Bowling! Wow. Eto, enjoy talaga. Kahit na hindi naman kami marunong lahat. Haha. Isang line, isang group. At ayun, kwentuhan kapag hindi pa ikaw ang titira. Hehe. Mataas din grade ko dito, kahit thrice ko lang naman nakita ang prof namin dito. Hehe. Ang hindi ko makalimutan sa mga Duckpin Groupmates ko, 'yung Mega adventure namin. Haha.

Buong 2nd year, wala akong PE. Nung 1st sem, hindi binigay sa akin ng CRS ang mga slot na gusto ko. Nung 2nd sem naman, Bridge 'yung nakuha. (Kahit hindi rin naman talaga ako marunong. Hahaha.) Pero conflict sa Econ ko. At isa pa, si Cases kasi prof. Haha. This sem, nakakuha ako ng CHL, pero conflict sa 160. Eh mas kailangan ko ng major.

Sa 2nd sem, sana naman bigyan na ako ng CRS!! Hahaha. Anong maganda? Last PE ko na 'to, kaya dapat memorable. :)

Search Results for keyword: pe
PE 1	Foundations of Physical Fitness
PE 2 AD	Aerobic Dance
PE 2 ARC	Archery
PE 2 BD	Badminton
PE 2 BLS	Basic Life Saving
PE 2 BR	Bridge
PE 2 BS	Basic Basketball
PE 2 BW-D	Duck Pin Bowling
PE 2 BW-T	Basic Ten Pin Bowling
PE 2 CH	Chess
PE 2 CHL	Cheerleading
PE 2 CP	Camping
PE 2 CWT	Circuit Weight Training
PE 2 F	Fencing
PE 2 JU	Judo
PE 2 LD	Line Dance
PE 2 MD	Modern Dance
PE 2 PF	Philippine Folk Dance
PE 2 PG	Philippine Games
PE 2 PLT	Pilates
PE 2 RF	Running For Fitness
PE 2 SCD	Scuba Diving
PE 2 SKD	Skin Diving
PE 2 ST	Stretching
PE 2 STD	Basic Street Dance
PE 2 SW	Swimming
PE 2 TD	Tap Dance
PE 2 TK	Tae Kwon Do
PE 2 TN	Lawn Tennis
PE 2 WF	Walking For Fitness
PE 2 WT	Weight Training
PE 3 BW-T	Advanced Ten Pin Bowling
PE 2 SCR	Scrabble
PE 2 SD	Basic Social Dance
PE 3 SCL	Advanced Sport Climbing
PE 2 BNB	Band And Ball
PE 2 BLD	Introduction To Belly Dancing
PE 2 FTSL	Futsal
PE 3 TK	Advance Tae Kwon Do
PE 2 CT	Circuit Trainig
PE 2 LTD	Latin Ballroom Dances
PE 2 MBD	Modern Ballroom Dances
PE 3 CH	ADVANCED CHESS
PE 3 LD	LINE DANCE
PE 2 FIN	FIN SWIMMING
PE 2 TMB	TEAM BUILDING
PE 2 TR	Touch Rugby
PE 2 MJG	MAHJONG