Ano nga bang mga bagay sa mundo ang natural na kulay blue? May homework nung isang araw ang pinsan ko. Kelangan niyang mag-draw ng something na nagrerepresent sa given colors. I helped him, and I think we did well naman sa red, black, yellow, orange, brown, white, violet, etc. Pero pagdating sa color blue... Hmmm. Maliban sa karagatan at kalangitan na mahirap i-drawing, ano nga bang mga bagay pa ang kulay asul?
BLUE. Kakatapos lang ng Independence Day Celebration ng Pilipinas nung isang araw. Naalala ko dati, kapag ganung season, kelangan naming gumawa ng Philippines flag. Required eh. Tapos dapat may stick pa. Dapat tama ang mga kulay at simbolo, dahil bawat isa daw ay may nirerepresenta. Natatawa pa nga ako kapag may mga kaklase akong napagbabaliktad ang kulay blue at red sa flags nila. At tatapusin ko na ang part na ito dahil parang nalito ako ng kauntian kung red nga ba ang nasa ibabaw o blue.
BLUE. May mga confirmed cases na daw ng A(H1N1) virus sa Ateneo. Nakakabahala. Lalo na't halos kapitbahay na ng Fighting Maroons ang Blue Eagles. Actually, dapat nung June 9 pa ang pasok namin, pero dahil nga daw sa A(H1N1), na-move sa June 16. Napanood ko din sa news na nilinis ang campus, at maging ang mga dormitories. Ngunit, nakakabahala pa din talaga. Siguro isa nang dahilan ng pagkabahala ko ay ang pagiging open ng campus, hindi madaling kontrolin ang mga nakakapasok at nakakalabas. So let's be prepared schoolmates. Ingat-ingat.
BLUE. Pasukan na sa Martes! At dahil diyan, here's a tip na nakuha ko sa likod nang NIPS na kulay blue. Ayon daw sa study, mas madali mong mare-recall ang mga notes mo kung nakasulat ito gamit sa color blue na ink. And, mas makaka-focus ka daw sa pag-aaral mo kung nasa paligid mo ay kulay blue, e.g., kung nasa kwarto ka na kulay blue ang pintura. May narinig ako dati na experiment ng Psych students about sa kung anong kulay ng highlighter ang best gamitin, and parang hindi naman yata kulay blue ang lumabas na result. Correct me if I'm wrong, hindi kasi ako sure sa details. Hehe.
BLUE. First time kong gumamit ng blue pens sa LAHAT ng notes ko nung summer. Parang wala namang masyadong pinagkaiba ang paggamit ng blue na tinta kumpara sa black na tinta. Maliban sa mas lumilitaw ang kulay ng sulat ko dahil karaniwang kulay black ang mga printed materials. At maliban sa mas maraming estudyante ang gumagamit ng kulay black, kaya kapag bigayan ng exam results (lalo na kung essay exam), alam mo na agad kung alin dun ang sa 'yo. Hahaha. Pero I don't know, eto na naman ako sa perception/notion ko na mas formal pa rin tingnan ang kulay black kesa sa kulay blue.
BLUE. Dahil birthday ng unang prinsesa ng Tribu na si Charm, pumunta ang ilang ka-Tribu sa kanyang first birthday celebration kanina. Maliban sa inuman, siyempre, may kantahan! Yihee. Isa sa mga kinanta ay ang Blue Jeans ng APO Hiking Society. Matagl ko na siyang napakinggan, pero kanina, bakit ba parang nagpipilit pumasok sa isip ko ang lines na: (Blue jeans) Sige, sige, sige kayod sa ’skwela at balang araw makikita n’yo (Blue jeans) Pagkatapos ng iyong paghihirap, ‘di ka rin makakahanap ng trabaho. Hmmm, bakit kaya ?_?
Matapos ang ilang lightyears na pag-iisip, na-realize ko na marami naman palang bagay sa mundo ang kulay blue. May mga taong kulay asul ang mata kahit hindi naka-contacts. Kahit nga mga pusa eh, ilan sa kanila kulay asul ang mata. May mga ibon na may haplos ng kulay asul ang balahibo. May mga isda at ilan pang hayop sa dagat ang may bakat ng kulay asul. May mga halaman na kulay asul. May mga taong may dugong bughaw. May mga blue baby. At may mga taong depressed minsan, kaya ang tawag sa kanila minsan ay blue. HAHAHA! See, blue is everywhere pala. We do not need Blue to find Clues. HAHAHA!
Tanong lang. Mababawasan kaya ang paghanga ng mga bata kay Barney ng mga bata kung maging kulay asul siya? Siguro oo. Sa parehong paraan na isusumpa ko siguro si Doraemon kung naging kulay purple siya.
Nakakatawang mula sa pagka-LSS ko sa Runaway (na theme song ng Juday-Ryan wedding) ay nalipat ito sa... CARELESS WHISPER! Kung updated ka sa mga headlines ng mga balita, alam mo na 'yun kung bakit! Hahaha. Or kung hindi pa, okay, sasabihin ko sa 'yo. Ang Careless Whisper kasi ang background music ng isang video nina Hayden Kho at Katrina Halili na napanood ko sa YouTube.
Much has been said. Napakinggan na ang bawat panig. Kinilatis na ang mga taong involved. Nakisali ang mga gustong makisali. Nahango sa baul ang ibang issue na kaugnay sa Hayden-Katrina scandal. Nagkaroon ng mga bagong issue na related sa issue. Naging pungchline ng mga joke sa TV at sa isang normal na usap-usapan. Naging laman ng mga forwarded messages tulad nito:
Kapag nakasalubong mo si Katrina at nag-HI siya sa 'yo, sabihin mo, "HAY DEN!"
At eto pa:
Lesson from the circulating scandal today: Kapag nasa "KAT-RI-NA", tingnan muna kung may "HAYDEN" camera.
Dahil sa scandal nina Katrina at Dr. Hayden, naungkat ang ilang mga isyu katulad ng sex videos, improving technology sa pag-uupload ng mga videos, piniratang DVDs, at maging kung problema ba sa utak ang perversion. Hindi ko alam kung sakto ito sa eskandalo ngayon, ngunit mayroon palang teorya si Anthony Downs tungkol sa ISSUE-AWARENESS CYCLE, kung saan ang pagtrato ng public sa isang issue o problema ay dumadaan sa limang magkakasunod na stages, kung saan ang duration ng isang stage ay iba-iba. Una ko itong nakita sa isang required reading sa Politics of the Environment. At narito ang limang stages according to anthonydowns.com.
1. The pre-problem stage. Mayroong issue o problema na nag-e-exist ngunit hindi wala ito sa pansin ng madla.
2. Alarmed discovery and euphoric enthusiasm. Magkakaron ng isang kagulat-gulat na pangyayari na yayanig sa mga tao at magiging dahilan ng mataas na awareness ng tao sa isang issue o problema.
3. Realizing the cost of significant progress. Mas lalong lalawig ang kaalaman ng tao ukol sa issue o problema, at magkakaroon ng awareness ang madla ukol sa halaga ng oras, pera, at effort para masolusyunan ang issue o problema.
4. Gradual decline of intense public interest. Unti-unting mawawala sa pang-araw-araw na buhay ng tao ang issue o problema. Una, dahil sa marerealize nila na wala naman silang magagawa para masolusyunan ang issue o problema, o ikawala, dahil na-bo-bore lang talaga sila.
5. The post-problem stage. At ang huli, mawawala na ng lubos ang awreness ng tao sa isang issue o problema dahil mapapalitan ito ng bagong issue.
Come to think of it, ano kayang issue ang magpapatalbog sa Hayden Kho-Katrina Halili scandal? ;)
I quote Kadate, BUHAY PA NGA ANG TRIBU! =)
Mula nang grumaduate kami nung HS, nakaugalian na ng Tribung Chakanah (Special Science Class of LPNHS Batch 2006) na ipagpatuloy ang tradisyon ng pagkakaibigan, pag-tsismukan, pag-inuman, at pagkulitan. Kahit hindi na official, we still vote for officers, or Executive Commitee. (Na tinawag ding Maharlika nang Execomm Batch 2008.) And then, they HAVE TO oragnize three major assemblies-- one for summer, isa sa sem break, at isa kapag Christmas break.
Last weekend, ay pinasiyaan ang unang activity ng ExeComm Batch 2009. At siyempre, nakasama ako! Wooh. Mabuhay! Sobrang nag-enjoy ako. At siyempre, sila ang dahilan kung bakit:
1. Paulo- Si Paulo yata ang sobrang busy sa pang-aakit sa Tribu. Mapa-Friendster, o mapa-text man. Natutuwa ako kay Paulo, lalo na ng malaman niya na kaklase pala niya si Kadate nung kinder. Hehe. Isa si Paulo sa mga pinaka-kwela sa Tribu. Sobra.
2. Intung- Banda rito, banda roon. Dinaig ni Intung ang haba ng buhok ko. Wow. Hehehe. Idol ko 'yan. Maliban sa pagkanta at pagpinta, ang isang gustung-gusto ko kay Intung ay 'yun bang alam kong pinapakinggan niya ako. 'Yung kapag kausap ko siya, nararamdaman kong mula sa loob niya na interesado siya sa mga kwento ko.
3. Allan- Ang Math major. At ang adik sa usok. Hahaha. Peace. Ngayon ko lang nakita ulit si Allan. Pero kahit ganun na katagal mula nung huli kaming nagkita, alam kong sa likod nang mga usok, siya pa rin ang Allan na partner ko dati sa Math Investigatory contest.
4. Redentor- Tuwing may groupings, parang lagi ko nalang ka-group ko si Redentor. Hahaha. Kwela din to. At higit sa lahat, super support sa Tribu, kaya naman parang sobrang naging ka-close na rin siya ng mga Chakah. Naalala ko lang talaga nung may charades, at tinuro niya si Carl para sa word na "plastic". Bwahahaha.
5. Hannah- si Munchkins. Yihee. Napakasarap yakapin ni Munchkins. HS palang, isa na yata siya sa pinakamaasikaso sa Tribu. Pero nung weekend, hindi yata nakayanan ang alak. Hehehe. Grabe naman kasi, sobrang kinabahan ako sa nangyari sakanya. Buti nalang okay na siya nung nag-umaga na.
6. Erik- si Pugi ay BF ni Munchkins. At kakailanganin natin ng mahaba-habang oras para talakayin ang love story nila. Kaya wag nalang ba. Hehe. Okay si Erik, as in sobrang okay. Tw thumbs-up for Erik.
7. Portia- si Fave ko. Ang seatmate ko sa napakaraming subject nung HS. Ngayon ko lang ulit nakita si Fave. At nakakatuwa na pakiramdam ko ay sobrang happy niya.
8. MJ- siguro nga ay isa si MJ sa dahilan ng kasiyahan ni Fave. Uyyy. BF ni Fave si MJ. Ang kababayan ni PacMan. Hehe.
9. Kevin- si Kinakapatid. Ang Bamboo ng Tribu. Pero tumataba na daw at nagkakalaman na sabi nila. Kaparehas ko pala ng routine si Kevin, alas-4 ng umaga ang tulog, at late na ng gising. Hehe. Ang nagpaypay kay Hannah nang sumama ang pakiramdam nito.
10. Ruben- si Krubz. Ang pinakamaaga nung Friday! Hahaha. Ang kasabay kong nag-halo-halo sa Emmy's. Ang batang masipag mag-GM. Oo man! Hahaha. Ang tanging taong nakaintindihan ko nang bitiwan niya ang "may kasamang isang waiter" na joke. At, ang ka-tribung ayaw malamukan at malamigan. Hahaha.
11. Carl- si Roommate. Hahahaha! Ang lalaking minsan nang natulog sa kwarto ko sa boarding house. Kung pipilitin akong maglista ng sampung pinaka-creative na tao sa buhay ko, kaunahan siya sa listahan ko. Si Carl yata ang kasama kong nangarap, isang araw bago kami grumaduate nung HS. (Haha, ewan ko kung natandaan pa niya 'yun.) Kahit schoolmates pa rin kami ngayon, hindi ko na rin naman siya nakakasalubong masyado. Kaya kelan kaya matutuloy ang bonggang-bonggang food trip namin?
12. Ianne- si Shongaerz. Akala ko hindi siya sasama. Ayan tuloy, hindi ko nadala si Whoopee, aka ___pee. Hahaha. Si Shonga ay matagal ko nang kaibigan. At si Whoopee ang saksi dito. Si Whoopee ay isang notebook na ka-kulay ni Barney. Nung 2nd year HS, kapag wala kaming magawa sa AP (na halos araw-araw), ay nagsusulatan kami. Tuwing binabasa ko si Whoopee, andami-dami kong naalala. Hayyy. Haha. Hindi ko man siya masyadong naka-bonding, napatunayan kong hanggang ngayon ay faborito pa rin niya ang kulay purple. Hahaha. I miss Ianne. =)
13. Karen- si Best ko. Kung nagbabasa ka na ng blogs ko dati pa, maaalala mong may entry ako na para sakanya. Pero kung hindi mo alam or hindi mo maalala, you can see it here. Hindi rin nga siguro ako mapipilitang sumama kung hindi ako inaya ni Best. at dahil sumama na nga ako dahil sakanya, nalaman ko tuloy na hindi na pala uso ang NBSB (No Boyfriend Since Birth) o ang NOBSB (No Official Boyfriend Since Birth). Alam mo kung ano na? NBSE. No Boyfriend Since Ex. Panalo! Hahaha. At salamat kay Best dahil kung wala ang phone niya, wala kaming mga pictures. Yehey!
14. Kamla- si KaDate ko. Ah ah, kung bakit ganun ang tawagan namin ay basahin mo nalang sa blog niya. Hehe. Si Kadate ang editor-in-chief ng college paper nila, ang The Footprints. At sobrang na-touch ako ng bigyan niya ako ng kopya nito. Awww. Kung idol ko si Kadate sa online world, na-realize ko this weekend na ang closeness namin ay beyond the cyberspace. Sobrang nag-enjoy ako sa mga pinag-uusapan namin. At higit sa lahat, aakalain ko bang parehas kami ng lebel ng humor? 'Yung about sa missed call at sa Korean student dati na naging classmate namin. Hahaha, ang galing talaga.
So obviously, ako 'yung pang fifteen. Yuhoo. =D Kaya ayan, sa mga ka-Tribung hindi sumama, MAINGGIT GA KAYO! Hahaha, joke lang. May next time pa naman eh. Sana. =)
haggard (adj)-- Showing the wearing effects of overwork or care or suffering [cited from WordWeb]
I don't remember kung kelan nagsimulang maging bahagi ng academic life ko ang salitang haggard. I don't remember kung kelan ko sinimulang sagutin ang tanong na "Kumusta ka na?" ng "Eto, haggard!"
Ikaw? Haggard mode ka? Lilipas din 'yan. Eh siya nga eh, araw-araw sa buhay niya, haggard siya. Meet Mr. Haggard. =)
Kung naintindihan mo ang ibig sabihin ng title ng entry na ito, ibig sabihin, kababayan kita! Sige lang, umalis ka na sa page na ito at lumipat sa ibang kapaki-pakinabang na mapupuntahan. Hahaha, JK.
Hindi ako aware na minsan pala, ang mga nagagamit kong salita ay hindi naiintindihan ng karamihan. Buong buhay ko, akala ko ay ang Tagalog ko ay pangkaraniwang Tagalog. Ngunit napatunayan ko na tama pala ang sinasabi ng prof ko sa Fil40 dati-- maging sa isang lenggwahe ay inherent din ang pagkakaiba-iba minsan. So for the sake ng mga taong lagi kong nakakasama at nakakasalamuha, narito ang ilang salitang madalas kong gamitin.
Adyo-Panaog-- Akyat-Baba
Arkila-- Sita
Awan ko-- Hindi ko alam (Parang "ewan ko" lang)
Babag-- Away
Balaasin-- Gamitan ng brush
Balentong/Blentong-- Tumbling (Tama ba ang spelling? Or tambling ba dapat?)
Bangbang-- Kanal
Banggirahan-- Lababo
Bangkukang-- Ipis
Barino-- Naaasar/Nagagalit
Binabanas-- Naiinitan (literal na init, as in 'yung sa temperature)
Dini-- Dito
Gaman naman-- Alangan naman (puwede ring substitute sa "di nga?")
Gamas-- Tabas
Ganari-- Ganito
Gayak-- Handa (e.g. maggagayak ng gamit means maghahanda ng gamit)
Gayatin-- Hiwain
Hagip-- Kuha
Hawong-- Mangkok
Ipatsi-- Idikit
Ipod-- Isod, Usog
Iskaparati-- Kabinet
Jablig-- (Ay jablig, 'di ko alam kung paano i-define, haha.)
Jaski-- Yanu?
Kalso-- Panlagay sa sasakyan para hindi siya umandar?
Kampit-- Kutsilyo
Kapiranggot-- Maliit, Kokonti
Kun-ay-- (Madaming puwedeng pag-gamitan, Puwedeng pang-halili sa halos lahat ng salitang nakalimutan) Parang 'ano'
Kuwitib-- Maliit na langgam na kulay orange ('yung masakit kumagat, haha)
Labon-- Boil
Lamog-- Hindi malinis sa katawan
Langis-- Mantika
Linang-- Baryo, Hindi bayan
Mabantot-- Mabaho
Madag-im-- Kapag malapit nang umulan ('yung kapag madilim na ang langit)
Maganit-- Hindi madulas
Misla-- Sahig
Naari-- Narito
Nagdadayag-- Naghuhugas ng pinggan
Nagkabog-- Nalaglag
Naglamay-- Nagpuyat para sa isang bagay
Nagpatupi-- Nagpagupit
Nakakaumay-- Nakakasawa
Napahi-- Nabura
Natalapid-- Natisod, Muntik mapadapa
Panis-- Sira/Hindi na dapat kainin (kapag sa pagkain), Luma na/Hindi na uso (kapag sinabihan ka ng "Panis na 'yan!")
Pasaka-- Pauwi ng linang
Pudpod-- Hindi matulis
Sala-- Mali, Mintis
Silong-- Baba (e.g. kapag nasa 2nd floor ka ng bahay, ang tawag sa 1st floor ay silong)
Sipay-- Baliw, Naguguha ng mga bata
Talapid -- Patid
Tikdi-- Tiptoe
Tukador-- Kabinet
Utita-- Makulit, Tanong nang tanong na pareho naman ang tinatanong
Uuli-- Lilibot, Papasyal, Maglalakad-lakad
Walanju-- (Ay walanju, 'di ko rin alam kung paano i-define, haha.)
Yakag-- Akit
Yapos-- Yakap
Note (Nov 01, 2012): This list won't be possible without the help of my sister and Multiply friends :)
